Қаршидаги оилавий поликлиникага ишга киритиб қўйиш эвазига 800 доллар пора олган шахс ушланди

Қарши шаҳар 1-сонли ИИБга келиб тушган ҳабарга кўра, 2021 йил 9 январь куни Қарши тумани Патрон қишлоғида яшовчи А.Ф.ни мурожаати юзасидан вилоят ИИБ ва Қарши шаҳар прокуратураси билан ҳамкорликда шу куни соат 16:00ларда тезкор тадбир ўтказилган.

Қарши тумани Дашт қишлоғида яшовчи Қашқадарё вилоят болалар стоматология поликлиникаси ортодонтия бўлими тиш техниги бўлиб ишловчи Ш.К  фирибгарлик йўли билан хизмат мавқеидан фойдаланиб, Ф.А.ни Қарши шаҳридаги оилавий поликлиникаларнинг бирига танишлари орқали ишга киритиб қўймоқчи бўлади.  Эвазига 800 АҚШ долларни пора тариқасида талаб қилади.

Ариза муаллифидан кимёвий ишлов берилган 800 АҚШ долларини Қарши шаҳар ҳудудидаги умумий овқатланиш жойида олган вақтида ашёвий далиллар билан ушланган.

Қашқадарё вилоят ички ишлар бошқармасининг хабар қилишича, мазкур ҳолат юзасидан Департаментнинг вилоят бошқармаси томонидан Ш.К.га нисбатан жиноят иши қўзғатилган.