Қарши шаҳридаги «Идеал» савдо дўкони ёпилиб кетди. Дўкондан кредит олган фуқаролар банкка шикоят қилиб борди.
Кеча телеграм каналимиз орқали Қарши шаҳридаги «Универсалбанк» устидан фуқаролар норозилик билдиргани, тўланган кредитлар сабаб қилиб кўрсатилиб, фуқароларнинг пластик картасидан ортиқча маблағлар кесиб олингани ҳақида хабар қилгандик.
Банк маъмурияти эса фуқаролар томонидан савдо дўконига тўланган кредитлар банкка кирим қилинмагани, оқибатида фуқаролар пластик картасидан пуллар автоматик тарзда ечиб олинганини маълум қилди.
"Мижозимиз "WORLD ELECTRONICS AND FURNITURE" МЧЖ (Идеал магазин) орқали ажратилган истеъмол кредити айрим тўловлари МЧЖ ходимлари томонидан олиниб, ўз вақтида мижозларнинг банкдаги тегишли ҳисоб рақамларига топширилмасдан қолган. Ушбу ҳолатдан банк ходимлари хабардор бўлмаган. Натижада мижозларнинг муддати ўтган кредит қарздорликлари юзага келган ва мижозларнинг пластик карталаридан автоматик равишда ечиб олинган. Ҳозирги кунда МЧЖ масъул ходимлари томонидан мижозларнинг кредит тўловлари учун олинган маблағлар мижозларнинг биринчи талабиданоқ тегишли ҳисоб рақамига ўтказиб берилмоқда. Шунингдек, мижозлар пластик карталаридан автоматик тарзда ечилган маблағлар МЧЖ масъул ходимлари томонидан мижозларга қайтариб берилмоқда", - дейилади «Универсалбанк» маълумотида.
Банк масъулларининг қўшимча қилишича, ҳозирда "Идеал" савдо дўкони фаолияти тўхтатилган.
Ўхшаш янгиликлар:
Шаҳрисабзлик фуқаро Чироқчидаги савдо дўконини ўмариб кетди
Чироқчи тумани «Обод» маҳалласида яшовчи K.O. 2022 йил 11 март куни туман ИИБга ариза билан мурожаат қилди.
«Чаман» туризм комплекси қурилишига ҳеч ким қизиқиш билдирмади
Зойир Мирзаевнинг 2 йил олдин берган ваъдаси бажарилмади ёхуд «Чаман» туризм комплекси қурилишига ҳеч ким қизиқиш билдирмади
Президент селекторида Қашқадарёда аҳвол оғир экани айтилди
Президент Шавкат Мирзиёев раислигида мактаб таълимини ислоҳ қилиш бўйича йил бошида белгиланган топшириқлар ижросига бағишланган йиғилиш ўтказилмоқда.