Қашқадарёда яна бир футбол клуби расман УзПФЛ аъзоси бўлди

Қарши давлат университетининг "Лочин" ФК Ўзбекистон Профессионал футбол лигасига аъзолик тўғрисидаги ҳамкорлик шартномаси ЎзПФЛ бош директори Д.Имомхўжаев ва олийгоҳ ректори Д.Набиев иштирокидаги учрашув якуни бўйича имзоланган. Бу ҳақда университет матбуот хизмати хабар бермоқда.

Учрашувда "Лочин" ФКнинг истиқболи хусусида сўз бориб, Профессионал футбол лига талаблари асосида университет ҳудудидаги мавжуд футбол стадионини реконструкция қилиш ва замонавий, муҳташам база бунёд этиш, клуб инфратузилмасини янада ривожлантириш ҳамда клуб менеджерлари учун семинарлар ташкил қилиш каби қатор масалалар муҳокама қилинган.