"Насаф" Бухорода футбол мактаби очди

"Насаф" футбол мактаби юртимиздаги энг яхши футбол мактабларидан бири бўлиб, турли ёшдаги миллий терма жамоаларга кўплаб истеъдодларни етиштириб бермоқда. Футбол мактаби вилоятимиз туманларида ҳам ўз филиалларига эга.

Энди филиаллар сони яна биттага кўпайди. Бухоро вилоятининг Жондор туманида "Насаф" футбол мактабининг янги филиали ташкил этилди. "Шўртан газ-кимё мажмуаси" раҳбариятининг сайи-ҳаракатлари билан Жондор туманида барча қулайликларга эга бўлган битта табиий ва битта сунъий қопламали футбол майдонига эга даргоҳ бунёд этилди.