"Биз эртага ижобий натижа учун майдонга чиқамиз. Лекин бу осон бўлмайди" - Рўзиқул Бердиев

Бугун, 21 февраль куни Ал Айн шаҳридаги "Ҳалифа Бин Зайид" ўйингоҳда "Ал Айн" ҳамда "Насаф" жамоалари ўртасида ОЧЛнинг 1/8 финалидан ўрин олган жавоб баҳси бўлиб ўтади. Мазкур Тошкент вақти билан соат 21:00 да бошланади.

Ушбу учрашув олдидан "Аждар"лар бош мураббийи Рўзиқул Бердиев ва жамоа ҳужумчиси Бобир Абдихолиқов матбуот анжуманида иштирок этди.

"Биринчи ўйиндан кейин ҳеч нарса ҳал бўлгани йўқ. Кураш давом этади. Биз эртанги ўйин учун яхши тайёргарлик кўрдик. Биз эртага ижобий натижа учун майдонга чиқамиз. Лекин бу осон бўлмайди. Чунки рақиб эртага ўз майдонида ўйнайди. Рақибимиз тажрибали ва кучли жамоа. Шунга қарамасдан биз ўз олдимиз қўйган вазифамизни бажариш учун майдонга чиқамиз“  - дея ўз фикрларини билдириб ўтди Рўзиқул Бердиев.

Шунингдек, Бобир Абдихолиқовнинг таъкидлашича, "Эртанги жавоб учрашувидан олдин биз яхши тайёргарлик кўрдик. Эртага ғалаба учун бор кучимизни берамиз, мухлисларимизни хурсанд қиламиз деган умиддаман. Биз эртанги ўйинга юз фоиз тайёрмиз"- дея футболчининг сўзларини келтирмоқда  "Насаф" футбол клуби матбуот хизмати. 

Эслатиб ўтамиз, ушбу жамоаларнинг Қарши шаҳрида бўлиб ўтган дастлабки учрашувида 0:0 ҳисоби қайд этилган эди.