Кўкдалада электр энергиясидан ноқонуний фойдаланган тадбиркор аниқланди

Департаментнинг Кўкдала туман бўлими томонидан ўтказилган терговга қадар текширувда, “M.M.” оилавий корхонаси раҳбари З.Н. пахта титиш ва омухта ем ишлаб чиқариш цехини ўзбошимчалик билан электр тармоғига улаб, жами 97,3 млн сўмлик электр энергиясидан ноқонуний фойдаланганлиги аниқланган.

Мазкур ҳолат юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят ишлари қўзғатилиб, тергов ҳаракатлари ўтказилмоқда.