Нормўмин Холбоев: "60 минг куб сув билан шаҳарни тўлиқ таъминлай олмаймиз"
Кеча Қарши шаҳар ҳокими Нормўмин Холбоев иштирокида журналист ва блогерлар учун матбуот анжумани ўтказилди. Матбуот анжуманида шаҳар ҳокими нега Қарши шаҳрини 24 соат ичимлик суви билан таъминлаш масаласи кечикаётгани ҳақида гапирди.
"Қарши шаҳрини узлуксиз ичимлик суви билан таъминлашда 2 та катта муаммо бор. Биринчиси, Яккабоғ, Шаҳрисабздан келаётган ичимлик сувини тўла-тўкис етказиб бера олмаяпмиз. Иккинчиси эса ички тармоқларни бугунги кунда эскириб, яроқсиз аҳволга келиб қолгани билан боғлиқ",- дейди ҳоким.
Ҳокимнинг айтишича, Яккабоғ ва Шаҳрисабздан келаётган ичимлик сувини тўла-тўкис аҳолига етказиш мақсадида келажакда катта магистраль қувур тортилади.
"Биз 120 минг куб сувни шаҳарда қабул қилиб олишимиз керак. Минг афсуски, ҳозирда 60 минг куб сув қабул қилиб оляпмиз. Биз бугунги кунда 60 минг куб сув билан тўлиқ шаҳарни ичимлик суви билан таъминлай олмаймиз", - дейди Нормўмин Холбоев.
Ўхшаш янгиликлар:
