Ўзбекистон Республикаси Ташқи ишлар вазирлиги Афғонистондаги ҳолатга муносабат билдирди

Вазирлик Афғонистонда хотин-қизларнинг давлат ва хусусий олий ўқув юртларида таълим олишига тақиқ қўйилгани тўғрисидаги хабарни чуқур ташвиш билан қабул қилган. 

"Афғон халқининг тинч ва фаровон келажакни барпо этиш йўлидаги интилишларини қўллаб-қувватлашга қаратилган қатъият белгиси сифатида ушбу қарор қайта кўриб чиқилишига умид қиламиз", - дейилади баёнотда.

Эслатиб ўтамиз, аввалроқ Толибон барча афғон аёлларини университет ва олий ўқув юртларида ўқишини тақиқлаганди.