YAna isrof bo'layotgan ichimlik suvi muammosi: Bu safar shahar markazidagi quvur teshildi (Video)

 

«Ko'pqavatli uyning 4-qavatida turaman. 2016yilda yangi qurilgan turar joylardan sotib olgan edik. Bizda ichimlik suvi eng katta muammo.
Qarshi shahrining qoq markazidagi uylarda suv bo'lmagandan keyin, nima qilaylik.
Avvallari har kuni kechqurun kelar edi, hozir kechqurunlari ham suv kelmay qo'ydi.Sababini bilsam, quvurlar teshilgan, ichimlik suvi esa isrof bo'lmoqda.»

«Nasafnews» ning telegram manziliga yuborilgan murojaat egasining shaxsi noma`lum. Lekin u yuborgan videoda biz ham avvalroq ko'targan muammo ichimlik suvi quvur teshilishi oqibatida erdan sizib chiqqanligini va isrof bo'layotganligini ko'rish mumkin.

Murojaat egasining ta`kidlashicha, video Qarshi shahar Islom Karimov ko'chasining Qarshi vokzaliga boruvchi piyodalar yo'lakchasida tasvirga olingan.
Lekin mutasaddilarga ogohlantirish berilishiga qaramasdan holat bartaraf etilmagan.

1 izoh

  1. Men avgust oyidan buyon bu yo’lakdan o’tib-qaytaman. 5 oydan beri ahvol shu. Naxotki mutassadilar bunga befarq. Axir yer yuzida eng global muammolardan biri bu ichimlik suvi bo’lsa. Ushbu video tegishli joylarga yetib borishiga umid qilamiz

Javob qoldiring:

Please enter your comment!
Please enter your name here