"Насаф"нинг бош ҳомийси мухлисларга Бухородаги ўйинга бориш учун 10 та автобус ажратди
"Насаф" футбол клуби бош ҳомийси "Шўртан газ-кимё мажмуаси" Бухоро шаҳрида бўлиб ўтадиган Ўзбекистон Кубоги финал баҳсига боришга қулай шароит яратиш мақсадида 10 та автобус ажратди. Бу ҳақда клуб матбуот хизмати хабар берди.
"Финал баҳсига боришни мақсад қилган мухлислардан 30 октябрь соат 09:00 Қаршидаги "Марказий" стадион олдида йиғилишларини сўраб қоламиз. "Навбаҳор" - "Насаф" ўртасидаги беллашув 30 октябрь соат 17:00 да бошланади", - дейилади хабарда.
