Қашқадарёда ФВБ ва ЙҲХБ бир бирига зид хабар тарқатди

ФВБ ахборот хизмати, 15 декабрь куни соат 10:30 дан Қашқадарё вилоятининг Китоб туманидан ўтган М-39 автомобил йўлининг “Тахтақорча” довонида кучли қор ёғаётганлиги сабабли автомобиллар ҳаракати қисқа муддатга (20 дақиқадан 30 дақиқагача) чекланади, деб хабар тарқатди.

Шундан сўнг, Қашқадарё вилояти ИИБ ЖХХ ЙҲХБ Ахборот хизмати 15-декабр Қашқадарё вилоятининг Китоб тумани ҳудудидан ўтувчи М-39 автомобиль йўлининг “Тахтақорча” довонида қор ёғиши давом этмоқда, довон йўлида транспорт воситаларининг ҳаракати давом этаётгани маълум қилди.

ЙҲХБга кўра, махсус техникалар тўхтовсиз равишда тозалаш ишларини бажармоқда. Музламаларни бартараф этиш учун қум-туз аралашмаси ҳам сепиляпти.

"Шуни эслатиб ўтамизки, об-ҳаво шароитини инобатга олган ҳолда довонда вақти-вақти билан транспорт воситалари ҳаракати чекланиши мумкун бу ҳақида қўшима ахборот бериб борамиз" дейилади вилоят ИИБ ЖХХ ЙҲХБ Ахборот хизмати хабарида.