50 дан ортиқ ўқув қўлланмалар ҳамда дарслтклар муаллифи Зулфия Қиямова ҳақида китоб ёзилди

“Nasafnews” мухбири “Меҳнат шуҳрати” ордени ва “Халқ таълими аълочиси” эсдалик нишони соҳибаси Зулфия Қиямованинг ҳаёти ва ижоди ҳақида китоб ёзган унинг қизи Ораста Тожиева ва вилоят мактабгача ва мактаб таълими бошқармаси методисти Севинч Очилов билан суҳбатлашди.

Дастлаб, Зулфия Қиямова эришган ютуқлар ҳақида бироз тўхталсак. 

Зулфия Қиямова 1964 йил 26-февралда Қашқадарё вилояти Карши шаҳрида туғилган. 42 йиллик ўқитувчилик меҳнат фаолияти давомида 50 дан ортиқ ўқув қўлланмалар ҳамда дарсликлар, 90 га яқин илмий ва публицистик мақолаларга муаллифлик қилган.

Қолаверса, “Меҳнат шуҳрати” ордени соҳибаси, Ўзбекистон Республикаси “Халқ таълими аълочиси”, “Ўзбекистон Республикаси мустақиллигига 20 йил” эсдалик нишони, “Ўзбекистон Республикаси мустақиллигига 25 йил” эсдалик нишони, “Ўзбекистон Конституциясига 25 йил” эсдалик нишонлари билан тақдирланган.

“Nasafnews” мухбири Ораста Тожиевага “Зулфияхон умр китобининг зарварақлари..” номли китобни ёзишдаги мураккаб жараёнлар ҳақидаги саволи билан юзланди.

“Бу жараён менга қийинчилик туғдирмади. Сабаби онам бирор бир дарслик ёки ўқув қўлланма устида ишлаётганларида мен ҳам доим ёнларида бўлганман. Бу муҳитни кўриб, хис қилганман. Илм йўлидаги машаққатлар ва уйқусиз тунлар мен учун ҳам таниш бўлиб улгурган”, дейди китоб муаллифи Ораста Тожиева.

Мазкур саволга Севинч Очиловнинг жавоби:

“Мен кўп йиллардан бери шу инсоннинг меҳнатини ёш ўқитувчиларга ўрнак қилиб кўрсатиш мақсадида, кўп материаллар тўпладим ва Зулфия Киямовани иш фаолиятини, яратган дарслик, методик қўлланмалари, методик тавсиялар, дарс ишланмалари, таржималарини ва устознинг дарсларига кириб, таҳлиллар қилдим. Бундан ташқари устоз ва шогирдлари билан кўпроқ суҳбатлар ўтказдим, уларнинг фикрларини олдим. Шу асосда “Зулфияхон умр китобининг зар варақлари” номли китобни ёзишга киришдим.

Китоб ёзишни ўзига яраша қийинчиликлари бор, Зулфия Киямова немис тили фани ўқитувчиси, у киши яратган дарслик ва методик маҳсулотлари тегишли Республика илмий кенгашлардан ўтган бўлиб, ўқувчиларга ва ОТМ талабаларига ўқитиш учун тавсиялар берилган”.

Мухбир навбатдаги савол билан юзланди. Бир ижодкорнинг фаолиятини очиқлаб бериш учун қанча китоб ёзиш керак, деб ўйлайсиз?

Ораста Тожиева шундай дейди, Китоб устида ишлар эканмиз, онам болаликдаги баъзи муҳим, эсда қолган воқеаларга қисман тўхталдилар. Аммо бу китобдаги маълумотлар кенг қамровли бўлгани сабаб биз болалик хотиралари батафсил ёритилган яна янги китоб устида ишлашга келишиб олдик. Сабаби бу ибратли ҳаёт йўлини ҳамма билиши керак. Кўпчилик болалик йилларини ўйинқароқлик билан ўтказади. Онам бўлса ҳали мактаб бормаган дамлариданоқ ижод оламига кириб келган.

“Қаерда бўлмасин мамлакатнинг бугуни ва эртаси ҳақида қайғурадиган самимий инсон Зулфия Киямовадек устоз ўқитувчилар жуда кўп. Улар ҳақида қанчадан – қанча китоб ёзсак оз. Зулфия Киямованинг иш фаолияти ва ҳаёт йўллари ҳақида яратилган “Зулфияхон умр китобининг зар варақлари” номли китоб, Қашқадарёлик халқ таълими ходимларининг юзи деб биламан.

 Бу китодга Зулфия Киямованинг кўп ижодий ишларини кирита олмадим. Устозда жуда катта манба ва илмий асосланган материал бор. Ҳали насиб қилса, бу китобни давоми бўлади.”, дейди Севинч Очилов.