Ўзбекистон терма жамоаси 2022 йилдаги сўнгги ўйинини Россияга қарши ўтказди

Тошкентдаги "Пахтакор" стадионида Ўзбекистон миллий терма жамоаси Россия термасини қабул қилди.

Ўйин асосан руслар назоратида бўлди. Вакилларимизда кўп бўлмаса ҳам бир қанча вазиятлар юзага келди. Аммо, ўйинда иккала жамоага ҳам гол уриш насиб қилмади. Шу тариқа "Ўзбекистон" бу йилни яхши натижа билан якунламоқда. 9 ўйин 7 ғалаба, 1 дуранг ва 1 мағлубият.

Яна бир қувонарли ҳолат, жамоамиз асосий таркибида 3 нафар "Насаф" вакили Умарбек Эшмуродов, Ҳусниддин Алиқулов, Шерзод Насруллаевлар тушган бўлса, заҳирадан Алибек Давронов ўйинга қўшилди.