Қашқадарёда ИИБ профилактика инспектори пичоқланди

Маълум бўлишича, эр-хотин ўртасида келишмовчилик юзага келган. Шундан сўнг, фуқаро Д. Д 102 рақамига қўнғироқ қилиб, ёрдам сўраган. Мурожаатдан сўнг, ИИБ ходимлари тезкорлик билан етиб бориб, пичоқ кўтариб олган фуқарони тинчилантиришга ҳаракат қилган.

Аммо, фуқаро ИИБ профилактика инспекторининг қонуний талабига риоя қилмасдан пичоқ билан тан жароҳати етказган. Фуқарога нисбатан Жиноят кодексининг 219-моддаси (Ҳокимият вакилига ёки фуқаровий бурчини бажараётган шахсга қаршилик кўрсатиш) билан жиноят иши қўзғатилган. Бу ҳақда Бош прокуратура матбуот хизмати хабар бермоқда.