Ўрмон хўжалиги мансабдорларига жиноят иши қўзғатилди

Қашқадарё вилояти прокуратураси хабар беришича, Муборак тумани ўрмон хўжалиги моддий жавобгар шахслари томонидан ўзига ишониб топширилган мол-мулкларни ўзлаштириш ва растрата қилиш йўли билан талон-торож қилган.

Мазкур ҳолат юзасидан Муборак тумани прокуратураси томонидан  Жиноят кодексининг 167-моддаси  билан жиноят иши қўзғатилиб,  дастлабки тергов ҳаракатлари олиб борилмоқда. Терговнинг бориши вилоят прокуратураси томонидан алоҳида назоратга олинган. Тергов якуни бўйича батафсил ахборот берилиши маълум қилинган.