Кўкдала замонавий боғчалари кўп туманга айланмоқда

Қашқадарё вилоятининг янги ташкил этилган Кўкдала туманида ҳар куни байрам. Ҳар куни замонавий муассасалар қад ростлаб, очилиш маросимлари ўтказилмоқда. Айниқса, мактабгача таълим муассасаларининг ташкил қилиниши бу борада етакчи бўлмоқда.

Куни кеча Бахт маҳалласида фойдаланишга топширилган 120 ўринли болалар боғчаси ҳудуддаги аҳоли вакилларига чексиз қувонч бағишлади. "Асакабанк" ҳомийлиги асосида қурилган даргоҳ очилиш маросимида туман ҳокими Хуррам Жўраев ва туман раҳбарлари иштирок этишди.

Шунингдек, бугун олис ҳудуд "Пахталисой" маҳалласида "Қишлоқ қурилиш инвест" инжиниринг компанияси ҳомийлиги асосида қуриб битказилган, 120 ўринга мўлжалланган боғча ҳам фойдаланишга топширилди.

Ушбу 17-сонли ДМТТ биноси тўлиқ қуёш энергияси ва электр энергия билан ишлашга мўлжалланган, яъни электр энергияда узилишлар кузатилган тақдирда ҳам болажонлар чироқсиз қолишмайди.