Қашқадарёда 11 ойда 90 мингга яқин туғилиш қайд этилди
Қашқадарё вилояти ҳокимининг маърузасида айтилишича, бугунги кунда воҳа аҳолиси йилига ўртача 80 минг нафарга ёки 2,2 фоизга ўсиб бормоқда.
Давлат статистика қўмитасининг дастлабки маълумотларига кўра, 2022 йилнинг январь-ноябрь ойларида республика бўйича 850282 та тирик туғилиш ҳолатлари ФҲДЁ органларида қайд этилган.
11 ойда Қашқадарё вилояти бўйича бу кўрсаткич 89792 тани ташкил қилди. Энг кўп туғилиш қайд этилган ҳудудлар ичида Қашқадарё Самарқанд ва Фарғонадан кейин 3-ўринда бормоқда.
