Президент ўлим жазосини тақиқлаш тўғрисидаги нормани конституцияга киритишни таклиф қилди
Президент Шавкат Мирзиёев бугун конституцияга ўзгартириш ва қўшимчалар киритиш бўйича келиб тушган таклифлар юзасидан йиғилиш ўтказмоқда. Давлат раҳбари ўз нутқи давомида ўлим жазосини тақиқлаш тўғрисидаги нормани конституцияга киритиш таклифини билдирди.«Муқаддас динимизда ҳам, буюк алломаларимиз бой илмий ва маънавий меросида ҳам, инсон – ҳаёт гавҳари, тенгсиз мўъжиза сифатида улуғланади. Муқаддас Қуръони каримда Аллоҳ инсонни барча мавжудотлар ичида энг азиз ва мукаррам қилиб яратгани таъкидланган. Улуғ бобомиз Мир Алишер Навоий ҳам инсонни қийнаётган муаммолар тўғри ҳал этилиб, унинг қадри жойига қўйилса, албатта «эл шод, мамлакат обод бўлади», деб ёзганлар», — деди Шавкат Мирзиёев ўз таклифини асослар экан.
Давлат раҳбари ўз нутқи давомида ўлим жазоси тайинланадиган жиноятлар сонини босқичма-босқич камайтирилиб, бу жазо тўлиқ бекор қилинганини таъкидлар экан, айрим фуқаролар томонидан ўлим жазосини тиклаш, уни жиноят қонунчилигига қайта киритиш ҳақида таклифлар ҳам илгари сурилаётганини айтиб ўтди.
«Ваҳоланки, демократик ва инсонпарвар ғояларни олий қадрият даражасига кўтарган дунёдаги аксарият давлатларда ўлим жазоси бекор қилинган. Чунки яшаш ҳуқуқи – ҳар бир инсоннинг табиий ҳуқуқи бўлиб, унга бу ҳуқуқни давлат эмас, Яратганнинг ўзи ато этган. Агар сизлар қўллаб-қувватласангиз, Конституциямизга «Ўзбекистонда ўлим жазоси тақиқланади», деган яна бир муҳим нормани киритишни таклиф қиламан», — деди Шавкат Мирзиёев.
Давлат раҳбари ўз нутқида ушбу ўта жиддий масалада ҳеч қачон ортга қайтмаслигимизни, инсонпарварлик ғояларига содиқ қолишимизни алоҳида таъкидлаб ўтди.
Ўхшаш янгиликлар:
"Марҳум охирги вақтларда кўп спиртли ичимлик истеъмол қилган". Бош прокуратура ўз жонига қасд қилган етакчи воқеаси бўйича маълумот берди
Марҳумнинг ўлим сабабига аниқлик киритиш мақсадида суд-тиббий экспертизаси тайинланган.
Президент селекторида Қашқадарёда аҳвол оғир экани айтилди
Президент Шавкат Мирзиёев раислигида мактаб таълимини ислоҳ қилиш бўйича йил бошида белгиланган топшириқлар ижросига бағишланган йиғилиш ўтказилмоқда.
Шавкат Мирзиёев Қашқадарёдан 3 нафар раҳбарни ишдан олди
Ҳали 40 фоиз маҳаллада ҳоким ёрдамчиларининг ишида натижа кўрингани йўқ
Шавкат Мирзиёев Қашқадарё ҳокими Муротжон Азимов ҳақида гапирди
Шавкат Мирзиёев Қашқадарё вилояти ҳокими ҳақида ҳам гапириб ўтди.
