ФВВнинг хабарига кўра, бугун 13 март куни соат 16:00 дан Қашқадарё вилоятининг Китоб туманидан ўтган М-39 автомобиль йўлининг Тахтақорача довони автомобиллар ҳаракати учун вақтинча ёпилди.
Бунга сабаб, М-39 автомобиль йўлининг Тахтақорача довони қисмида (1138-1141 километрида) кучли ёмғир ёғиши оқибатида автомобиль йўлида ўпирилиш юзага келган.
Айни дақиқаларда тегишли ташкилотларнинг мутахассислари томонидан ишлар амалга оширилмоқда.
