Нишон туманида катта инспектор «қармоққа тушди». У 3 млн сўм пора талаб қилган

«Ўзагроинспекция»нинг Нишон тумани бўлими катта инспектори Р.Ш. фуқаро О.Б дан ўзига тегишли трактори учун техник ҳужжат расмийлаштириб бериш эвазига 3 млн. сўм пора талаб қилган.

Қашқадарё вилояти прокуратураси хабарига кўра, инспектор 1 млн сўмни олдиндан олиб, 3 март куни қолган 2 млн сўмни олаётган вақтида вилоят прокуратураси ва Департаментнинг вилоят бошқармаси томонидан ўтказилган тезкор тадбирда ашёвий далиллар билан қўлга олинган.

Мазкур ҳолат юзасидан вилоят прокуратураси томонидан ЖКнинг 210-моддаси (пора олиш) билан жиноят иши қўзғатилиб, дастлабки тергов ҳаракатлари олиб борилмоқда.

Javob qoldiring:

Please enter your comment!
Please enter your name here