«Чироқчи тиббиёт бирлашмасига ташлаб кетишган». Спортчи Элбек Раҳимовнинг ўлими тафсилотлари очиқланди

4768

Кеча сайтимиз орқали спортчи Элбек Раҳимовнинг ўлдирилгани ҳақида хабар бергандик. Қашқадарё вилояти ИИБ ҳолат бўйича маълумот берди.

Хабарга кўра, 17 август куни соат 10:00 ларда Қарши шаҳрида яшовчи Э.Р.ни кўп қаватли уйидан чиқишини кутиб туриб, у кўчага чиққанидан кейин етти нафар совуқ қуроллар билан қуролланган шахслар уни бош, юз, кўкрак ва танасининг бошқа соҳаларига уриб, оғир тан жароҳати етказиб, «Жентра» автомашинасига мажбуран миндиришиб, Чироқчи тумани тиббиёт бирлашмасига олиб бориб ташлаб кетишган. 

Натижада Э.Р. кўрсатилган тиббий ёрдамларга қарамасдан шу куни шифохонада вафот этган. 

Жиноятни «иссиқ излар»да фош этиш мақсадида олиб борилган тезкор қидирув суриштирув тадбирлари натижасида шу куннинг ўзида жиноятга алоқадор Қарши шаҳри ва Қарши туманида яшовчи фуқаролар Ш.Т., Ж.А., О.Р., Я.Я., Ш.З. ва Э.А. ушланган.  

Ҳолат юзасидан Қарши шаҳар прокурори томонидан З.Б. ва бошқаларга нисбатан Ўзбекистон Республикаси Жиноят кодексининг 2-қисми «л,п» бандлари билан жиноят иши қўзғатилиб, ушбу олти киши гумон қилинувчи тариқасида жалб қилинди ҳамда ҳимоячи билан таъминланиб, ЖПКнинг 221-моддаси тартибида ушланди. 

Дастлабки тергов ҳаракатлари олиб борилмоқда.

2 Izohlar

Javob qoldiring:

Please enter your comment!
Please enter your name here